گود سبور//

دخلت المغربية ميساء باها بنت الدولي المغربي السابق والإطار الوطني نبيل باها تاريخ فريق البارصا ديال العيالات.

ميساء باها مولات الـ15 عام، والمحترفة مع الفريق النسوي د البارصا، لعبت معهم البارح السبت ضد فريق لوگرونيو ضمن منافسات لاليگا د العيالات، وماركات هدف فالدقيقة 15 بالرأس، وولات أصغر لاعبة كاتماركي مع الفريق النسوي الأول د البارصا.

وكاتعلب ميساء باها مع المنتخب الوطني المغربي لأقل من 17 عام، وكايبان أن عندها ما تقول فالمستقبل سوا مع الأندية او المنتخب الوطني المغربي.