الرئيسية > الزين والحداكة > المغربية مريم حسين طلعات البارّة.. كتشري في كل تسافيرة كيلو ديال الذهب
03/10/2019 22:00 الزين والحداكة

المغربية مريم حسين طلعات البارّة.. كتشري في كل تسافيرة كيلو ديال الذهب

المغربية مريم حسين طلعات البارّة.. كتشري في كل تسافيرة كيلو ديال الذهب

نجوى المالحي-كود//

الممثلة المغربية مريم حسين لي مستقرة في دبي، وعندها بنتها من الممثل السعودي فيصل الفيصل طلعات البارّة فيما يخص التوفير لبنتها “الأميرة” وكتشري ليها الذهب.

بنت أكادير لي ديما دايرة البوز في سناب شات قالت أنها عوض تخبي الفلوس، كتفضل تشري كيلو ديال الذهب صاين وتخبيه ليها حيت ملي توقع الحرب ولا شي مصيبة في أي بلاد كانت الذهب ماكيفقدش القيمة ديالو.

وكان أول كيلو شراتو سنة 2017، وبقات كتقول انها كل سفر كتشري كيلو.

هاد التفاصيل لي كتكشف عليها مريم خلاتها محط انتقاد كالعادة، وبان في الأخير أنها رجعات لفيديوهات الذهب باش دير اشهار لشركة كويتية.

وهاد الفوحان والهدرة بزاف ديما كيسالي بخزيت، واخر مرة كانت في لندن سرقو ليها مجوهرات.

 

موضوعات أخرى