كود سبور//
ربحات الكورة المغربية ماتش جديد ضد الجزائر، وكيتعلق الأمر هاد المرة بالمنتخب الوطني المغربي بنات لاقل من 17 عام، اللي ربحو منتخب الجزائري فنفس الفئة السنية اليوم الجمعة فبركان ضمن اللي ديال الدور الثالث من اقصائيات كاس افريقيا U17.
واكتسحو بنات المغرب الجزائر بنتيجة 4 لزيرو فالتيران البلدي فبركان، وسط أجواء زوينة حيث التيران كان عامر بزاف بالجمهور المغربي اللي حضر باش يشجع لبؤات المستقبل، اللي كانو فالموعد ودارو ماتش كبير بالأداء والنتيجة.
وبهاد الرباح حقق المنتخب الوطني المغربي نتيجة زوينة بزاف، قبل ماتش الروتور اللي غايكون فالجزائر السيمانا الجايا بين المنتخبين.
