كود سبور//

فارضين اللاعبين المغاربة ريوسهم فاللائحة ديال الاهلي المصري المشاركة فمونديال الاندية فالميريكان.

وأعلن الاهلي المصري قبل لحظات من ظهر اليوم الجمعة، على لائحة اللاعبين ديالو باش غايشارك فكاس العالم للاندية  وفيها 3 ديال اللاعبين مغاربة هما اشرف داري، ويحيى عطية الله، وأشرف بنشرقي.

وللصدفة فاللاعبين بثلاثة كاملين لعبو مع الوداد الرياضي، وحققو مع الفريق الأحمر ألقاب تاريخية، بحال بنشرقي اللي ربح دوري أبطال افريقيا مع الفريق الأحمر 2017، وداري وعطية الله اللي رحبو نفس اللقب مع الفريق عام 2022.