گود سبور//

بدات الجماهير المغربية اللي قلعت من المغرب صباح اليوم الأحد، كاتوصل للشيلي باش تشجع المنتخب الوطني المغربي فـ نهائي كاس العالم لأقل من 20 عام.

ووصلت مع 10 ونص ديال صباح اليوم الأحد بتوقيت الشيلي، أول طيارة مغربية للعاصمة الشيلية سانتياگو بخير وعلى خير وفيها 300 مشجع ومشجعة جايين من كازا لتشجيع الأسود، ومازال غاتوصل الطياراة الثانية مع 12 د النهار وفيها نفس العدد.

الجماهير المغربية لقات فـ استقبالها بالمطار د سانتياگو سفيرة المغرب بالشيلي كنزة الغالي ومعه طاقم من الموظفين ديال سفارة المغرب فـ الشيلي اللي تدخلو مع السلطات الشيلية وسهلو إجراءات الديوانة للجمهور المغربي باش دخل للشيلي.

الجماهير المغربية محيحة وناويين يشجعو المنتخب المغربي لأقل من 20 عام، باش يربحو الأرجنتين فالفينال ويرجعو بكاس العالم للمغرب.