الرئيسية > ميديا وثقافة > المغاربة مازال معقدين من البوسان وقالك كيعتابروه حشومة.. ضجة نايضة على تصاور فكتاب ديال الفرنسية كيقراو فيه تلاميذ الابتدائي حيت فيهم ناس كيتباوسو!
14/09/2022 22:00 ميديا وثقافة

المغاربة مازال معقدين من البوسان وقالك كيعتابروه حشومة.. ضجة نايضة على تصاور فكتاب ديال الفرنسية كيقراو فيه تلاميذ الابتدائي حيت فيهم ناس كيتباوسو!

المغاربة مازال معقدين من البوسان وقالك كيعتابروه حشومة.. ضجة نايضة على تصاور فكتاب ديال الفرنسية كيقراو فيه تلاميذ الابتدائي حيت فيهم ناس كيتباوسو!

أسماء غربي-كود//

مؤخرا ناضت ضجة على شي صفحات من كتاب الفرنسية الموجه لتلاميذ المستوى الرابع ابتدائي فالمدارس ديال البريفي، فيها تصاور فنية لجسم الإنسان و تصاور لأشخاص كيتباوسو وقالو على انها صور جنسية فاضحة ومخلة بالحياء العام.

وهادشي كبين الأزمة اللي باقيين غارقين فيها المغاربة، حيث الجنس معشش ليهم فدماغهم وممخليهومش يشوفو الفن والإبداع اللي فداك الصور ومقادرينش يتصالحو مع الجسد ديالهم.

المغاربة بغاو تعليم متطور وكينافس الدول الأوروبية وبغاو فيه رسومات ديال “فاطمة ترتب المخدات وتخبز الخبز بينما احمد ذهب ليصطاد مع ابيه”.

فالدول المتقدمة البوسة حاجة عادية وبديهية ومتجاوزة والواليدين كيتباوسو قدام ولادهم ويتعانقو عادي، وحنا عندنا عيب العناق والبوسان وكلشي حشومة والجسد عورة. وكنسولو منين كيجي الجفاف العاطفي والكبت منين الأب مايعنقش بنتو والاخ ميبوسش ختو والراجل ميبوسش مراتو .

عادي نشوفو النگير والصداع والضرب گاع بعض المرات ولكن العناق والبوسان لا! حيث مخل بالحياء والأخلاق العامة…

موضوعات أخرى

01/10/2022 13:21

من بعد الروينة ديال البارح.. ناس البولفار: كنعتاذرو من كلشي والحب ديال الموسيقى والايمان ديالنا بالشباب ماكاينش لي غادي يزعزعو