أحمد راشيد/ كود//
٬17 مليار درهم لي صرفو المغاربة على منتوجات الصناعة التقليدية و%80 منهوم عائلات تيسكنو فالمجال الحضاري في سنة 2015، أما المغاربة لي برا فصرفو 3.75 مليار مقابل 5.87 مليار درهم لي صرفوها السياح لي تيجيو للمغرب على منتوجات الصناعة التقليدية، حسب تصريح جميلة المصلي كاتبة الدولة المكلفة بالصناعة التقليدية في اليوم لي تخصص لصحفيين في الأسبوع الوطني للصناعة التقليدية الدورة الرابعة لي بدا من 22 وأيبقا تال 31 فهذ الشهر، أي لي تيشريو المنتوجات ديال الصناعة التقليدية %64 مغاربة و%22 سياح و%16 مغاربة الخارج.
وزات قالت أنه 2.3 مليون منصب شغل تتوفرو الصناعة التقليدية بالمغرب، وقالت أيضا أن المغاربة ذكيين داكشي باش تيلبسو الباس التقليدي في المناسبات باش يحافظو على هذ اللباس ماشي بحال دول أخرين لي نساو لباسهوم التقليدي.
وحسب البحث الوطني حول استهلاك منتوجات الصناعة التقليدية فإن جهة الدار البيضاء هي الأولى لي تتستهلك الصناعة التقليدية بنسبة %23 ومن بعدها جهة فاس مكناس %18 ثم الرباط سلا قنيطرة %15 ثم جهة مراكش آسفي %12.
وجا ايضا في هذ البحث لي تعرض فالندوة أن الملابس والمجوهراات هي الأولى في الشريان، ولي تيخلي المغاربة يشريو هذ المنتوجات هو أنهم تيبغيو يستعملوها وفقط، إضافة أن الرجال تيشريو منتوجات الصناعة التقليدية كثر من النساء وذكرو أنه ممكن يكون السبب أن المرأة تتأخد والراجل تيخلص، بالإضافة لأن %85 من العائلات المغربية راضية وعاجبها الصناعة التقليدية ديال البلاد من ناحيث الجودة والثمن.
وقالت أيضا جميلة المصلي جزء كبير من الحرفيين متيعرفوش الأهمية ديالهوم وأنهم كنوز إنسانية وأنهم هما لي هزيين هذ التراث لامادي وهدشي باش قالت انهم أيديرو مناظرة في إطار هذ الأسبوع الوطني حول للباس التقليدي هوية وتنمية.
https://youtu.be/kZMnKHJuEPA
