الرئيسية > كود سبور > المغاربة ديال ليفركوزن ماعندهم زهر.. لعاب مغربي اخر تصاب وغايدير عملية
16/08/2022 22:00 كود سبور

المغاربة ديال ليفركوزن ماعندهم زهر.. لعاب مغربي اخر تصاب وغايدير عملية

المغاربة ديال ليفركوزن ماعندهم زهر.. لعاب مغربي اخر تصاب وغايدير عملية

كود سبور//

تعرض لاعب مغربي آخر كيلعب فبايرن ليفركوزن الألماني للإصابة، الأمر لي غيخليه يبتاعد على الصفوف ديال الفريق الألماني فالمرحلة لي جايا.

وكيتعلق الأمر باللاعب كريم بالعربي لي عندو جنسية مزدوجة مغربية ألمانية فحسب ما كشف عليه بايرن ليفركوزن الألماني، فاللاعب عندو إصابة صعيبة جاتو فالماتش لي لعبوه مع فريق أغسبورغ فالدوري الألماني فالويكاند لي فات.

الفريق الألماني زاد وضح بخصوص الإصابة ديال كريم بالعربي، وقال على أن الفحص ديال الأشعة لي خضع ليه اللاعب كشف على أن عندو إصابة فالغضروف ديال الركبة اليسرى لي تمزق ليه.

وأكد بايرن ليفركوزن أن كريم بالعربي غيخضع لعملية جراحية جراء الإصابة لي عندو فالركبة، وهو الأمر لي غيخليه يغيب على الفريق لمدة 6 أسابيع على الأقل.

اللاعبين المغاربة ديال بايرن ليفركوزن ما عندهم زهر مع الفريق الألماني، بحيث أن الماتش ديال الفريق أمام أغسبورغ فنهاية الأسبوع لي فات، عرف إلى جانب الضربة لي عند بلعربي الإصابة ديال المغربي الأخر أمين عدلي لي تهرس فالكتف ديالو وغيغيب حتى هو لمدة ديال أكثر من شهر.

موضوعات أخرى

25/09/2022 20:30

رئيس وأعضاء البرلمان الإفريقي مشاو لميناء طنجة: حنا منبهرون بالبنيات التحتية العصرية والتكنولوجيا لي عرفها المغرب – تصاور