الرئيسية > آراء > المغاربة ديال السوشل ميديا أي حاجة مغربية كايطنزو عليها وكايطيحو منها! مخرجة مغربية ربحات جائزة فمهرجان مراكش واحتافلات بيها ضروري غايستهزؤوا منها! فركوس هضر غايطنزو عليه! مابغاوش بفهمو راه حنا غي واحد الشعب بسيط جدا، كايضحكهم فركوس وكايتبعو روتيني اليومي فيوتوب! الجالية كاتسيفط الفلوس لمي نعيمة وكايعيطو لمامون الدريبي باش يشكيو عليه فالراديو!
04/12/2023 19:00 آراء

المغاربة ديال السوشل ميديا أي حاجة مغربية كايطنزو عليها وكايطيحو منها! مخرجة مغربية ربحات جائزة فمهرجان مراكش واحتافلات بيها ضروري غايستهزؤوا منها! فركوس هضر غايطنزو عليه! مابغاوش بفهمو راه حنا غي واحد الشعب بسيط جدا، كايضحكهم فركوس وكايتبعو روتيني اليومي فيوتوب! الجالية كاتسيفط الفلوس لمي نعيمة وكايعيطو لمامون الدريبي باش يشكيو عليه فالراديو!

المغاربة ديال السوشل ميديا أي حاجة مغربية كايطنزو عليها وكايطيحو منها! مخرجة مغربية ربحات جائزة فمهرجان مراكش واحتافلات بيها ضروري غايستهزؤوا منها! فركوس هضر غايطنزو عليه! مابغاوش بفهمو راه حنا غي واحد الشعب بسيط جدا، كايضحكهم فركوس وكايتبعو روتيني اليومي فيوتوب! الجالية كاتسيفط الفلوس لمي نعيمة وكايعيطو لمامون الدريبي باش يشكيو عليه فالراديو!

سهام البارودي – كود//

المغاربة شعب بسيط جدا، الأغلبية الساحقة كايضحكهم فركوس وكايتفرجو ليه فالأفلام التلفزية ديالو وبزاف فيهم كايخلصو ستين او سبعين درهم باش يدخلو يتفرجو فيه فالسينيما! وعزيزة عليهم سهرة السبت ديال دوزام فاش كايجيبو نسيم حداد وعبيدات الرما ومعاهم شي فنان من الرواد فحال احوزار، المغاربة معمرين اليوتوب، كايتفرجو فالفيديوات د روتيني اليومي وكايوصلوها لملايين المشاهدات وكايفعلو الجرس باش كايوصلهم الجديد ديال قناة مّي نعيمة، المغاربة كايكسبو فتيك طوك وكايتسناو اللايڤات د آية بيشري ورضى ولد الشينوية وهيام سطار وحريودة والقايدة غيثة.. بزاف د المغاربة كايموتو على الڤيديوات ديال مّي نعيمة وقناة مربوحة ولالة مغربية! وبزاف د المغاربة كايضحكوهم المقالب لي كايدير نخنوخ لنيبا! وحتى الجالية ديالنا بسيطة، واخا كاتلقاها عايشة فأوروبا ولا ميريكان ولا كندا، فبلاد الحضارة والعلم والتيكنولوجية، راه تاهي من الداعمين الأساسيين ديال القنوات د اليوتوب وكايسيفطو الفلوس لمّي نعيمة باش شرات الدار وجوجات بنتها! وكايستهلكو المسلسلات المغربية والتركية بقوة لدرجة لادخلتي لأغلبية الديور فالطاليان ولا فرانسا غاتلقاهم مخدمين شي قناة مغربية ولا عربية ومتبعين شي مسلسل ولا جوج! المغاربة ناس بسطاء جدا (الأغلبية ديالهم)، لا لي داخل أرض الوطن لا لي خارجها.

و لكن هادشي لي مابغاوش يفهموه شي وحدين، عزيز عليهم ينتاقدو اي حاجة مغربية ويستهزؤوا بيها، لا علاش مخرجة مغربية ربحات جائزة فمهرجان مراكش تحتافل بيها على طريقة اللعابة الكبار د الكورة مالها شنو بغات تكون؟! مالها رابحة السعفة الذهبية؟! مالها شدات شي اوسكار؟! لا علاش يهضر فركوس منين جاتو فنان؟! باش جاتو مخرج؟! مالو هوا المودوفار؟ّ!

عزيز عليهم يطنزو على المنتوج الوطني لي كايستهلكوه ملايين المغاربة وكايموتو عليه! أصلا كايشبه ليهم وموالفينو وكايجيهم على قد فهامتهم وعلى قد ثقافتهم وعلى قد عقلهم!

بنادم مسطّي كايصحابو السويد هذا ولا النرويج ولا ألمانيا! راه المغرب آ السّيموحمد هذا، عندو خصوصياتو حتى هوا وتاريخو وثقافتو وبساطتو لي هي جزء منّو! خاص نتصالحو معاها، فحال شي واحد جاي من شي عائلة مزلوطة وماراضيش بيها!

موضوعات أخرى

21/02/2024 18:31

سيدنا هضر بالصبليونية مع سانشيز.. وقالو: شحال هادي ماهضرت فالتليفون مع الملك فيليبي – فيديو

21/02/2024 18:20

البنك الدولي: النمو الاقتصادي فالمغرب تحسن وتوقع يرتفع لـ3,5 فالمية والتضخم غاد يتراجع وها شنو خاص يدير بنك المغرب

21/02/2024 17:46

البرلماني السابق الفايق تبلغ فحبس “راس الما” بقرار تجريدو من عضويته فمجلس النواب

21/02/2024 17:26

ها شنو طرا بين اخنوش وسانشيز: كثر من ساعتين من المباحثات والتوجاد للمونديال ومارشيات كبار كيتسناو الشركات الاسبانية والتعاون الأمني والموقف من حرب غزة

21/02/2024 17:00

رحلة الوداد ونهضة بركان تأجلت وها علاش والواك كيطالبو الكاف يبدل يوم ماتش گلاگلسي

21/02/2024 16:30

زيارة مرتقبة لولد الغزواني للجزائر وغاد يدشن معبر حدودي والمنطقة الحرة فتندوف ويضع الحجر الأساس لتعبيد طريق تندوف الزويرات