الرئيسية > كود سبور > المغاربة حيحو فالشومبيونزليك: زياش ماركا 2 كوفرات على أمرابط وصحابو والصيباري وأيندهوفن دارو الريمونتادا على النصيري وإشبيلية وقصاوهم
29/11/2023 20:45 كود سبور

المغاربة حيحو فالشومبيونزليك: زياش ماركا 2 كوفرات على أمرابط وصحابو والصيباري وأيندهوفن دارو الريمونتادا على النصيري وإشبيلية وقصاوهم

المغاربة حيحو فالشومبيونزليك: زياش ماركا 2 كوفرات على أمرابط وصحابو والصيباري وأيندهوفن دارو الريمونتادا على النصيري وإشبيلية وقصاوهم

كود سبور//

حيحو اللاعبين المغاربة فماتشات دوري أبطال أوروبا اليوم الاربعاء، ضمن الجولة الخامسة من المسابقة الأوروبية العريقة وكانت البصمة المغربية حاضرة فجوج ماتشات حتى لدابا.

وفالكروب الاول، تألق الدولي المغربي حكيم زياش مع كلطة سراي التركي ضد مانشستر يونايتد النكليزي اللي كان لاعب معه المغربي الاخر سفيان امرابط، وقد حكيم زياش يماركي 2 أهداف للفريق التركي من 2 موفرات، فالماتش اللي تعادلو فيه مع امرابط وصحابو بنتيجة 3 لثلاثة.

حكيم زياش وكلطة سراي بهذا التعادل طلعو الى المركز الثاني مؤقتا برصيد 5 النقاط، ومانشستر يونايتد بقاو فالمركز الاخير برصيد 3 بوان تعاقدات الأمور ديالهم فالتأهل ثمن النهائي، في انتظار نتيجة كوبنهاغن الدنماركي ضد بايرن ميونيخ الالماني، مع العلم ان الأخير حسم التأهل إلى ثمن نهائي دوري أبطال، حيث بارين ميونخ التأهل كأول الكروب برصيد 12 نقطة.

وفنفس التوقيت كانت مواجهة مغربية فالكروب B، فماتش إشبيلية الإسباني اللي كيلعب معه الدولي المغربي يوسف النصيري وأيندهوفن الهولندي اللي معه إسماعيل الصيباري، وسالا الماتش برباح ايندهوفن بنتيجة 3 لجوج، والمباراة عرفت تألق يوسف النصيري من جانب اشبيلية وماركا لهم هدف وصاحبو سيرجيو راموس ماركا هدف، ولكن اسماعيل الصيباري بدا الريمونتادا لأيندهوفن حيث ماركا الهدف الاول والهدف الثاني ديال الفريق الهولندي ماركاه لاعب إشبيلية نيمانيا على راسو وريكاردو بيبي ماركا الهدف الثالث ديال الرباح.

إشبيلية الإسباني بهذا الخسارة تقصا من دور المجموعات قبل جولة واحدة من نهايتها، وكيحتل المركز الأخير برصيد 2 نقاط، اما ايندهوفن كيحتلو دابا المركز الثاني مؤقتا برصيد 8 النقاط، في انتظار ماتش نيس مول المركز الثالث برصيد 4 النقاط ضد أرسنال النكليزي المتصدر لهذا الكروب برصيد 9 نقاط.

موضوعات أخرى

21/02/2024 19:50

المفتش العام للقوات المسلحة الملكية وقائد المنطقة الجنوبية تلاقى قائد القيادة الأمريكية ف إفريقيا  USAFRICOM (تصاور)

21/02/2024 19:00

بالنسبة للعيالات المغربيات الكاسك والتغوتينيت من اهم اختراعات لي خدمات تكافئ الفرص للمرأة مع الرجل من بعد أقراص منع الحمل طبعا

21/02/2024 18:31

سيدنا هضر بالصبليونية مع سانشيز.. وقالو: شحال هادي ماهضرت فالتليفون مع الملك فيليبي – فيديو

21/02/2024 17:46

البرلماني السابق الفايق تبلغ فحبس “راس الما” بقرار تجريدو من عضويته فمجلس النواب