الرئيسية > تبركيك > المغاربة اللي حرگو فسلتة مطار بالما الإسباني نكرو گاع التهم
04/05/2022 09:00 تبركيك

المغاربة اللي حرگو فسلتة مطار بالما الإسباني نكرو گاع التهم

المغاربة اللي حرگو فسلتة مطار بالما الإسباني نكرو گاع التهم

كريم الصوفي – كود//
[email protected]

قال موقع “دياريو دي مايوركا “، أن المغاربة اللي حرگو ف سلتة مطار بالما الإسباني نكرو ف الجلسة اللولة جميع الاتهامات الموجهة ليهوم قدام المحكمة االي دازو عندها الاثنين الفايت للرد على تهم ارتكاب جرائم الإخلال بالنظام العام والعنف والتحريض على الهجرة غير الشرعية .

واعتبرات القاضية المكلفة بالتحقيق ف جلسة سابقة ان المتهمين رتبو العملية بيناتهم مع سبق الإصرار حسب أدلة مختلفة. ووجهات القاضية الاسبانية اتهامات بارتكاب فوضى في مرافق عامة والهجرة غير الشرعية والتشجيع عليها.

وعرف مطار بالما دي مايوركا ف نونبر 2021، حادثة غريبة بعد توقف اضطراري لطيارة تابعة لـ”العربية للطيران” كانت غادية ل تركيا وتوقفات باش تعطا الإسعافات لشاب عندو 23 عام دار راسو عندو السكر وجاتو غيبوبة. هاذ الظرف خلا أكثر من 20 مغربي يستغلو الفرصة وسوء الأحوال الجوية يضربوها ب حرگة، لكن البوليس والحرس المدني شدو بعد ايام البعض منهم.

موضوعات أخرى

19/05/2022 22:20

بحضور خبراء دوليين.. مؤتمر دولي فجامعة “الأخوين” على التكامل بين العلوم الاجتماعية وعلوم الصحة فالشرق الأوسط وإفريقيا