وكالات//

رجع فيروس جدري القردة باش يخلع الناس في قارة إفريقيا بعدما أكدات التقارير أنه بدا كينتاشر بالزربة في بزاف ديال الدول في القارة.

وعلى حساب آخر تقرير لمنظمة الصحة العالمية، فالأيام القليلة الماضية سجلات أكثر من 14 ألف حالة غير فدولة الكونغو.

وأكدات المنظمة في التقرير ديالها أن 461 واحد ماتو بسبب هاد الفيروس.

والخطير في هادشي كامل أنه مكينش حتى شي لقاح خاص بهاد الفيروس، والمنظمة كترجح أنه ماغاديش يكون في المستقبل القريب.