وكالات//

85.5 مليون مصري كيستعملوا الإنترنيت في البلاد، تفاجؤوا البارح الثلاثاء، بالانقطاع ديال الكونكسيون عليهم لمدة طويلة فاتت ساعة كاملة كلها، ومابقاوش قادرين يدخلو لحتى شي حاجة ف الإنترنت.

على حساب مقالو المواقع المصرية، الناس تخلعات وبدات كتسول علاش هادشي، حتى خرج بلاغ من الشركة المسؤولة كتعتاذر ليهم وكتقوليهم أنها غادي ترجع.

وبصح، بعد ساعة ونصف تقريبا بدات الكونكسيون كترجع شوية بشوية، حتى ولات تخدم بشكل عادي كيفما كانت.

ف واحد البيان ديالها، قالت الشركة المصرية للاتصالات أن الكونكسيون وقفات حيت واحد الجهاز المسؤول عليها وقعت فيه مشاكل تقنية ودابا حلوها كلها.