كود – كازا //

المجلس الفرنسي للديانة الإسلامية علن رسمياً بأن عيد الفطر لعام 2026 غادي يكون نهار الجمعة 20 مارس، هاد القرار جا بعد اعتماد الحسابات الفلكية، اللي كيعتمد عليها المجلس باش يحدد التواريخ الدينية مسبقاً بلا ما يتسنى يشوف الهلال بالعين.

أما الجامع الكبير فباريس حتى هو بعد اجتماع اللجنة الدينية ديالو اليوم فإطار ليلة الشك، توصل لنفس النتيجة وأكد بأن رؤية الهلال كانت مستحيلة، وبالتالي رمضان غادي يكمل 30 يوماً كاملاً والعيد غا يكون الجمعة 20 مارس.

هاد المرة المسلمين ففرنسا قدرو يعيدو فدقة وحدة وخا أنهم مصاموش فنفس اليوم، وخا كاين فرق فنهار واحد حيت أتباع مجلس ديانة الفرنسي غادي يكون صامو غير 29 يوم

مقارنة مع اتباع الجامع الكبير لي صامو شهر كامل .