كود سبور//

مرشح سفيان المسرار الكابيتان ديال المنتخب الوطني المغربي للفوتسال لجائزة أحسن لاعب فالعالم، وهذا الشي بعدما تألق مع الأسود والفريق ديالو Étoile lavalloise الفرنسي.

واعلن موقع Futsalplanet المتخصص فكرة القدم داخل القلعة، على المرشحين للتتويج بأحسن لاعب للفوتسال، وكتكون لاليست ديال المرشحين من 10 لاعبين من بينهم كابيتان المنتخب المغربي سفيان المسرار، وهو اللاعب الأفريقي والعربي الوحيد فاللائحة، ومعه 3 البرازيليين، و2 برتغاليين و2 ايرانيين، وأرجنتيني وإسباني.

وتألق سفيان المسرار هذا العام، وساهم فتتويج المنتخب الوطني المغربي بكاس أفريقيا 2024، وربح مع الفريق ديالو étoile lavalloise كاس فرنسا، وربح جائزة هداف فرنسا برصيد 25 هدف.