وكالات //

شدو البوليس فالبرازيل طبيب اغتاصب مرا حاملة قبل لحظات قليلة من عملية الولادة، واستاغل أنه بنجها حيت باغيا تولد سيزاريان.

الطبيب اللي سميتو “جيوفاني كوينتيلا بيزيرا” كان خدام فصبيطار فريو دي جانيرو فالبرازيل، بنج المرا على أساس أنها غادي تولد سيزاريان، ومللي شد فيها البنج مزيان ناض المجرم تعدا عليها واغتاصبها، لكن المساعد ديالو صورو باش يفضحو من بعد.

وكالات الأنباء فالبرازيل وصلها الفيديو الصادم ديال الاغتصاب وفضحات الطبيب اللي شدوه البوليس باش يتعاقب على جريمتو.

هاد الطبيب المجرم دبا كتسناه ما بين 8 سنين و15 لعام ديال الحبس بسباب الجريمة اللي دار.