الرئيسية > آش واقع > المساعدة لي عطاتها اسبانيا للمغرب من صندوق الكوارث باش يواجه الهجرة وصلات للمحكمة العليا
21/07/2020 18:30 آش واقع

المساعدة لي عطاتها اسبانيا للمغرب من صندوق الكوارث باش يواجه الهجرة وصلات للمحكمة العليا

المساعدة لي عطاتها اسبانيا للمغرب من صندوق الكوارث باش يواجه الهجرة وصلات للمحكمة العليا

كريم الشركي-كود///

المساعدة اللي كانت عطات اسبانيا للمغرب السنة الفايتة والبالغة 32.2 مليون اورو، منوضة الروينة على الحكومة، وخصوضا وزير الداخلية لي خذاها من صندوق مواجهة الكوارث، وعطاها للمغرب.

منظمات اسبانية مشاو رفعو دعاوي قضائية ضد وزارة الداخلية، وقالو انهم ماعندهومش مشكل مع الدعم فالاساس، ولكن عندهوم مشكل مع أن الداخلية خذات لفلوس من صندوق لمواجهة الكوارث واللي كاتجي على غفلة، وعطاتها للمغرب باش يصرفها على وقود دوريات مراقبة الهجرة، وملابس عناصر مكافحة الهجرة، وتحديث الاليات، وترحيل المهاجرين لبلدانهم الاصلية، وهادشي عتابروه مكيدخلش فمحاربة الكوارث.

القضية وصلات للمحكمة العليا الاسبانية، اللي غاتبت فالقضية وتقدر تدير وزير الداخلية مارلاسكا.

وسائل الاعلام قالت أن المغرب واخا مكيقولش رسميا أنه خاصو يتخلص على وقف الهجرة، ولكن هذا هو الواقع، والعام لي فات خذا 140 مليون اورو من الاتحاد الاوروبي، زائد لي خذاه من اسبانيا.

موضوعات أخرى

11/08/2020 20:30

خاص. المدير العام للديوانة لـ”كود”: مخالفات الصرف تجاوزات فهاد الوقت 129.9 مليون درهم وها شنو هي السلع الأكثر حجزا وها شحال كتسوا