كود -وكالات//

انتاشر فيديو ديال مايكل فيليبس، اللي عندو 38 عام ومن ولاية كارولاينا الشمالية الأمريكية، بشكل كبير من بعد ما خرج وهضر بصراحة على المعاناة ديالو مع حالة طبية معروفة باسم “صغر القضيب”. وقال فيليبس بلي طول القضيب ديالو وهو منتصب كيوصل غير لـ0.97 سنتيمتر، يعني تقريباً قد الگومة ديال القلم أو حبة جلبانة، أما المعدل الطبيعي عند الرجال هو 13.5 سنتيمتر.

فيليبس قال بلي هاد الحالة ماشي موضوع ديال السخرية، وإنما مرض طبي معترف به. وكتوضح المعطيات الطبية بلي “صغر القضيب” كيكون غالباً بسبب نقص هرمون التستوستيرون عند الجنين، وكيصيب تقريباً 0.6% من الرجال.

وزاد أنه، بحكم كان متبنّى، ما عرفش بلي كاين علاج لهاد الحالة حتى كبر، قبل ما يتشخص رسمياً بهاد المرض ف 2025.

وقال فيليبس بلي هاد الحالة أثرات عليه بزاف، سواء فالثقة بالنفس أو فالعلاقات الحميمية، وحتى فحوايج يومية بسيطة بحال استعمال المرحاض. وخا هكاك، قرر يهضر عليها باش يشجع الناس اللي كيعانيو من نفس المشكل وما يبقاوش ساكتين.

وأكد أنه الهدف ديالو هو يحارب النظرة السلبية وكشف بلي جراح تجميل معروف من بيفرلي هيلز عرض عليه يدير ليه عملية فابور بعدما سمع بقصتو.