كود أكادير//

فهاد الويكاند، التحق ملايري آخر لنادي “زواج المرفحين”، بحيث دار سعيد الضور، رئيس غرفة التجارة والصناعة والخدمات سوس ماسة، عرس فاخر لبنتو فواحد أوطيل معروف بمدينة تغازوت على البحر.

العرس لي بدا قبالت البحر أمس السبت، وتنشرات مقاطع منو فصفحات الإنستغرام، كان باهر، بحيث تزوجت (ف.ب) بنت الضور بواحد ساكن ففرنسا، حيث حتى هي مستقرة فبلاد موليير، ولكن ختارو العرس يكون فواجهة بحرية فتغازوت.

الضور هو الأب ديال أمين الضور، الرئيس المستقيل من رئاسة فريق حسنية أكادير، اللي فشل يمشي بفرقة “حوسا” للقدام.