الرئيسية > آش واقع > المرسى ديال كازا كيتباع فيها حوت خانز.. عائلة تقدات نهار الاحد الفايت قالت ل”گود”: كاين شي حواتة كيبيعو الحوت كلو كحل وريحتو كتعطعط وخاص الكونطرول على هاد الفضايح
18/08/2022 19:30 آش واقع

المرسى ديال كازا كيتباع فيها حوت خانز.. عائلة تقدات نهار الاحد الفايت قالت ل”گود”: كاين شي حواتة كيبيعو الحوت كلو كحل وريحتو كتعطعط وخاص الكونطرول على هاد الفضايح

المرسى ديال كازا كيتباع فيها حوت خانز.. عائلة تقدات نهار الاحد الفايت قالت ل”گود”: كاين شي حواتة كيبيعو الحوت كلو كحل وريحتو كتعطعط وخاص الكونطرول على هاد الفضايح

سامي العلوي – كود كازا //

من ديما المرسى ديال كازا كتطرح نقاش سواء على كثرة الحوت لكيخرج يومياً من تما ولا على الثمن لي كيخبطو به المواطن ولا على الخنوزية والفساد ديال السلعة.

محسن هو رب أسرة كيسكن فكازا ومن رمضان تقريباً مامشى للمرسى حتى قال لمراتو يالاه نمشيو نتقداو حويتات وشوية الكروڤيت.

من بعد ما شراو شوية الكروڤيت والميرلا، توجهو لعند واحد البياع وشراي باش يزيد شوية الميرلا، جمعها في ميكة حساب شي جوج كيلو وحتى داهم للدار غير حل الميكة الدار كلها ولات خنز.

محسن تكلم مع “گود” بحرقة وقال على انو خص شوية المراقبة من طرف الساهرين على صحة المواطن ،حيت هاد الصيادة والبياعة كيغشو بنادم وتخيل لو أن الإنسان مانتبهش وكلا ذوك الحوتات فاين غادي يولي.

محسن كيأكد أن الناس الأوصياء من المسؤولين على هاد القطاع خصهم يزيرو السمطة والنيابة العامة خاصها تدخل على الخط.

موضوعات أخرى

28/09/2022 08:00

مصدر فالديوانة لجورنال اسباني : المنتوجات المغربية بوحدها اللي غادي تدخل لسبتة عبر الجمارك التجارية والواردات الاسبانية غادي تدخل للمغرب من طنجة