الرئيسية > ميديا وثقافة > المرا مهمشة حتى فالوسط الثقافي والإعلامي.. 13 فالمية اللي مستفدات من الدعم الفني.. وغير 28 فالمية دالعيالات اللي واخدين بطاقة الصحافة
25/07/2020 13:00 ميديا وثقافة

المرا مهمشة حتى فالوسط الثقافي والإعلامي.. 13 فالمية اللي مستفدات من الدعم الفني.. وغير 28 فالمية دالعيالات اللي واخدين بطاقة الصحافة

المرا مهمشة حتى فالوسط الثقافي والإعلامي.. 13 فالمية اللي مستفدات من الدعم الفني.. وغير 28 فالمية دالعيالات اللي واخدين بطاقة الصحافة

عفراء علوي محمدي- كود//

العيالات مازال ماعندهمش نفس الحظوظ فالحقل الثقافي والإعلامي بالمقارنة مع الرجال، وحضورهم كيبقى ضعيف فقطاعات مختلفة فهذ المجال، وهذشي حسب الأرقام والإحصاءات اللي جابت وزارة التضامن والتنمية الاجتماعية والمساواة والأسرة، ف”نشرة المساواة” لهذ العام.

النشرة كتقول أن نسبة النساء المستفيدات في مجال الإنتاج الموسيقي والغنائي هو 13,33، بينما الرجال استفدو بنسبة 86,67 فالمية، لكن على مستوى الترويج الموسيقي، فقط الرجال اللي مستفدين وحدهم.
.
بالنسبة للتأليف، فمكيتعاطاوش ليه العيالات بزاف، فقط 17 فالمية ديال العيالات اللي مألفين مقابل 76,47 فالمية ديال الرجال، وباستثناء مجال الأدب اللي العيالات مألفين فيها بما يقارب النصف (41,35 فالمية) جميع المجالات الأخرى العيالات مامألفينش فيها حتى الربع.

بالنسبة لمجال الصحافة، فالعيالات اللي واخدين لاكارط دو بريس كيشكلو 28,38 فالمية، بينما الرجال كيشكلو نسبة 71,62 فالمية.

وكاين نقص حاد فنسبة مديرات المواقع الإلكترونية الإخبارية، بحيث كيشكلو 13 فالمية فقط مقابل 87 فالمية دالرجال.

بالنسبة للمجلس الوطني للصحافة، 19 دالأعضاء ديالو هم نساء، و81 فالمية رجال، وفالنقابة الوطنية للصحافة 26,31 فالمية فالمكتب التنفيذي نساء و81 فالمية رجال، بينما الأمانة العامة للنقابة فيها غير الرجال.

أما بخصوص نسبة حضور المرأة فالبرامج الإعلامية فهذ 16,8 فالمية، مقابل 83,16 فالمية دالرجال.

موضوعات أخرى

04/08/2020 22:30

حصيلة كورونا فالأقاليم والجهات: جهة كازا تصابو فيها 422 وجهة الشمال ماتو فيها 5.. وأغلب المديريات الجهوية ماعلناتش على التفاصيل