الرئيسية > تبركيك > المرا لي ولدات 9 ديال التوام فالمغرب سمات واحد منهم على مالكنا محمد السادس
11/05/2021 20:00 تبركيك

المرا لي ولدات 9 ديال التوام فالمغرب سمات واحد منهم على مالكنا محمد السادس

المرا لي ولدات 9 ديال التوام فالمغرب سمات واحد منهم على مالكنا محمد السادس

نجوى المالحي-كود//

المرا المالية حليمة سيز لي ولدات السيمانة لي فاتت 9 ديال التوام في كلينيك في كازا سماتهم اليوم، وواحد منهم ختارت ليه اسم الملك ديالنا “محمد السادس”.

حليمة ولدات 4 ديال الدراري و5 ديال البنات، الدراري ختارت ليهم الى جانب اسم الملك محمد السادس، اسم باه نداو على رئيس مالي، والشيخ عمر، والحاج فيرون.

وسميات البنيتات اختارت فاطمة، وخديجة، وحواء، وأداما، وأمو المختار.

السيدة عندها 25 عام، كانت دارت الايكوگرافي شحال هادي وكان مقرر تولد 7 ولكن وزارة الصحة المالية وضحات أنها ولدات 9.

الأم جات من مالي بعدما دوزات 2 سيمانات في سبيطار في باماكو، وكان معاها الطبيب ديالها وعائلتها، واختارو المغرب باش الأمور دوز بيخير وعلى خير، حيت كان خاصها رعاية خاصة.

وكانت وزيرة الصحة المالية فانتا سيفي، شكرات الأطباء المغاربة لي ساهمو في نجاح العملية الاستثنائية.

موضوعات أخرى

13/06/2021 20:00

“لارام” بدات تنزيل تعليمات الملك بخصوص تسهيل عودة مغاربة الخارج بأثمنة مناسبة.. طلقات عملية استثنائية خصصات ليها 3 ملايين مقعد