وكالات//

مازالا القضية ديال المرا اللي كان راجلها كيدروگيها وكيجيب الرجال يغتاصبوها منوضة روينة كبيرة في فرنسا.

وهاد المرة الضحية جيزيل بيليكوت لي عندها 72 عام في عمرها هي لي خرجات للإعلام باش تهضر.

وقالت جيزيل ان البوليس عتقو حياتها، وكان من الممكن انها توقع ليها شي حاجة، بعد اكثر من 10 سنين ديال الاعتداءات والاغتصابات.

وصرحات جيزيل للصحافة ديال فرنسا ان راجلها كان كيعاملها بحال شي دمية، وجردها من الإنسانية ديالها.

وشدو البوليس ديال فرنسا المتهم، و50 راجل آخر، كان تافق معاهم باش يغتاصبو مراتو وصورهم.