كود وجدة//

علمت “كود” أن عدد من رجال الأعمال فالجهة الشرقية، ناضت بيناتهم الصراعات، غير على ود شكون لي خاص يعرض على المدير العام للضرائب، لي غادي يدير زيارة عمل للجهة الشرقية، في الأيام للي جاية.

وكشف مصدر “كود” أن هاد الزيارة عرفت صراع كبير بين رجال أعمال الناظور ووجدة وكل واحد باغي يقضي مصالح ديالوا من خلال زيارة المدير العام الجديد المشهود له بالكفاءة.

طبعا كولشي عارف بلي عدد من رجال الأعمال فهاد الجهة دايرين روينة فأعمالهم، وكولشي باغي من المدير العام يفك ليهم مشاكلهم.

من هادو صحاب لعاقة لي بغاو يديرو وليمة عشاء أو غداء للمدير العام للضرائب، مسؤولين  فالاتحاد العام لمقاولات المغرب بوجدة والغرفة التجارية لي باغيا تنظمها فالناظور.

يشار بلي يونس إدريسي قيطوني،  كانت تعين مؤخرا، على رأس المديرية العام للضرائب . المدير جديد باغي يعطي دماء جديدة لهاد المديرية.