كود سبور//

كشف مدير الكرة السابق بالمنتخب الإسباني لكرة القدم، ألبرت لوك، خلال حوار على البرنامج الإذاعي “إل لارگويرو” على إذاعة “كادينا سير” ونشراتو جريدة “موندو ديبورتيفو” الإسبانية، (كشف) كيفاش تم إقناع المغربي-الإسباني لامين يامال باللعب مع المنتخب الإسباني فبلاصة المنتخب المغربي، وخرج حوايج خطيرة.

وقال ألبرت لوك: “القضية ماشي ساهلة، جاء المدرب المغربي بشكل مباشر وصريح وحاول المغرب يقنع لامين يامال، وملي هضرت مع اللاعب قال ليا: “بغيت نلعب نولي بطل أوروبا، راه كايضغطو عليا باش گاع النواحي ولكن أنا باغي نلعب مع الصبليون وهذا قراري قبل ما نبدا الكاريير الدولية ديالي”.

وكمل المسؤول السابق فالكورة الاسبانية: “والد لامين يامال كان معقد بزاف، وقال ليا انهم غايتلوه فالمغرب، وعاود ليا حتى شي حوايج من الأحسن بلاما نقول عليها شي حاجة”.

https://www.mundodeportivo.com/futbol/20250307/1002420859/asi-convencio-lamine-yamal-jugara-espana-padre-me-dijo-marruecos-iban-matar.html?facet=amp