وكالات//

شعل المخرج الميريكاني ود فيليبس الفضول ديال العالم كامل بعدما دار جوج بوسطات على الكونط ديالو ف إنستكَرام بخصوص الجزء الثاني من الفيلم الشهير “الجوكر”.

الجوكر، لي خرج عام 2019 وحقق نجاح تاريخي من الأرباح وصل لمليار دولار، كيتسنا العالم كامل دابا الجزء الثاني ديالو.

المخرج الميريكاني نشر صورة ليه وهو كيقرا السيناريو، وكيبان أن العنوان ديال الجزء الثاني باللغة الفرنسية هو “Folie à Deux.

على حساب ماقال الجورنال ديال نيويورك تايمز، فالتكلفة ديال الجزء الثاني من الفيلم لي غادي تنتجو Warner Bros غادي توصل لـ150 مليون دولار، وهي ضعف الميزانية لي كانت في الجزء الأول.

الصحيفة كشفات أن الجزء الثاني غادي تحضر فيه الموسيقى بشكل واضح، وهو شي لي كيقول النقاذ أنه مخاطرة كبيرة من المخرج.

ولكن كتقول أن القوة ديالو في العدد الكبير من الممثلين الجداد لي غادي يبانو ف هاد الفيلم، بالإضافة طبعا للجوكر لي غادي يبقا هو البطل.