وكالات//

قالت مجلة “بيبول” باللي المخرج الميريكاني روب راينر ومراتو ميشيل سينغر كيرجّحو أنهم تقتلو على يد ولدهم نيك.

وكان واحد المسؤول قال من قبل باللي المخرج ومراتو تصابو بعدة طعنات، فحين المحققين كانو كيسولو واحد من أفراد العائلة بلا ما يحددو شكون هو.

وقالت إدارة الإطفاء فـ لوس أنجلوس أنها جاوبات لطلب ديال مساعدة طبية نهار الأحد مع العشية، ولقات راجل عندو 78 عام ومرأة عندها 68 عام متوفّيين داخل الدار.

نيك راينر كان هضر من قبل علناً على المعاناة الطويلة ديالو مع إدمان المخدرات، والفترات اللي دوزها فالتشرّد.

وفمقابلة دارتها معاه مجلة “بيبول” فـ عام 2016، هضر نيك على المعاناة ديالو مع الإدمان اللي بدات معاه من سن المراهقة، ووصلات به حتى للتشرّد. وقال باللي كان كيمشي لمراكز إعادة التأهيل من وهو عندو 15 عام، ولكن ملي تزاد الإدمان ديالو، بقى كيبعد أكثر على دارهم وداز فترات طويلة بلا مأوى فبعض الولايات.