وكالات//

رفع الممثل الأمريكي ديريك ديكسون دعوى قضائية ضد المخرج والممثل المعروف تايلر بيري، واتهمو فيها بالتحرش الجنسي، الاعتداء الجسدي، والانتقام المهني، وكيطلب تعويض مالي كبير وصل لـ260 مليون دولار.

وحسب الوثائق اللي نشرتها جريدة “ميرور يو إس”، ديكسون اللي لعب فمسلسلات “The Oval” و”Ruthless” اللي من إنتاج بيري، قال أن تايلر وعدو فالبداية بفرص مهنية كبيرة، بحال إنتاج برنامج خاص بيه وإعطاؤه أدوار رئيسية، ولكن العلاقة بينهم ولات، حسب ما قال، سلسلة ديال المضايقات والتحرشات.

ديكسون شرح أنه تعرف على بيري أول مرة فافتتاح استوديوهاتو فأتلانتا فـ2019، ومن بعد عطاوه دور صغير فـ”Ruthless”، ومن بعد دور كبير فـ”ذا أوفال”. وقال أن أول واقعة ديال الاعتداء وقعات فدار تايلر بيري فـيناير 2020، ومن بعد تعاودات، ومن بينها تحرش مزعوم فواحد الرحلة لجزر البهاما فأكتوبر من نفس العام.

وزاد ديكسون وقال أن الشخصية اللي لعب، اللي هي “ديل”، سالات بطريقة درامية بعدما تيراو عليه بأربع رصاصات، وكيظن أن هاد النهاية كانت انتقام منو حيت ما بغاش يرضخ لتحرشات بيري، حسب الدعوى.

الوثائق اللي ترفقات مع الدعوى فيها رسائل نصية نُسبات لتايلر بيري، وقال ديكسون أنها كانت فيها عبارات فيها مشاعر وضغط نفسي، وفيها كلام كيبين الغيرة والانزعاج حيت ما كانش كيرد عليه