أميمة عطية – كود كازا ///

قدرو بوليس بمنطقة أمن عين الشق فالدار البيضاء، فالساعات الأولى هاد الصباح الجمعة 23 أكتوبر الجاري، يوقفو بزناز عندو 31 عام، و سوابق القضائية، للاشتباه فالتورط ديالو فحيازة وترويج المخدرات والمؤثرات العقلية.

المشتبه فيه تشد فواحد الحي فكازا ، وهو كيبيع لحشيش ولقرقوبي متلبس ، ولقاو عندو 1873 قرقوبية من النوع المعروفب «LSD»، وفلوس مشبوهة من العائدات ديال هاد النشاط.

وتحط تلاتيني ، تحت تدبير الحراسة النظرية، رهن إشارة البحث القضائي اللي كيجري تحت إشراف النيابة العامة المختصة، باش يعرفو ظروف وتفاصيل هاد لواقعة .

وكتجي هاد العملية فإطار التدخلات الأمنية لمحاربة ترويج المخدرات والمؤثرات العقلية .