الرئيسية > آش واقع > المخازنية رجعو يلعبو لعبة المش و الفار مع المهاجرين الافارقة بالناظور
23/10/2019 07:51 آش واقع

المخازنية رجعو يلعبو لعبة المش و الفار مع المهاجرين الافارقة بالناظور

المخازنية رجعو يلعبو لعبة المش و الفار مع المهاجرين الافارقة بالناظور

جمال بناصر – كود:

رجعو المخازنية مرة اخرى يلعبوا لعبة المش و الفار مع المهاجرين الافارقة اللي مخبيين ف الغابات المحيطة بالناظر في انتظار يلقا وشي فرصة باش يقطعوا للضفة الأخرى أو يتسللوا لسبتة المحتلة.

و البارح الثلاثاء المخازنية شدو 6 مهاجرين ينحدرون من افريقيا جنوب الصحراء فاش هبطوا لواحد القهوة معروفة فمنطقة سلوان بأنها تايجيو ليها هاذ المهاجرين باش يشربو قهيوة او يتكونيكطاو مع الفاميلات ديالهم اللي خلاو ف البلاد اللي جايين منها.

عملية المداهمة اللي وقعات البارح وعرفات اعتقالات و هروب مهاجرين آخرين تاتجي باش تأكد، حسب مناضلي الجمعية المغربية لحقوق الانسان بالناظور، على التعليمات غير المكتوبة اللي دايرة السلطة لصحاب القهاوي والمطاعم والطرانسبور بالناظور باش يديرو قطيعة مع المهاجرين و مايتعلموش معاهم نهائيا… دابا هاذي عنصرية و لا ماشي عنصرية.

 

موضوعات أخرى