كود سبور//

أكد منير المحمدي حارس مرمى المنتخب الوطني المغربي الاولمبي ان الماتش ضد العراق غدا الثلاثاء، برسم الجولة الثالثة والاخيرة من دور المجموعات فأولمبياد باريس2024، ما غايكونش ساهل وانهم غايلعبوه بحالا لاعبين الفينال حيث هدفهم يجيبو ميدالية.

وتكلم منير المحمدي خلال الحصة التدريبية الأخيرة للمنتخب المغربي قبل ماتش العراق وقال فتصريح له: “كانوجدو مزيان للماتش ضد العراق، وهذا الماتش مهم بزاف بالنسبة لنا وكنوجو له مزيان دهنيا وبدنيا”.

وكمل المحمدي: “اللاعبين كاملين متحمسين لهذا الماتش وغانمشيو نلعبوه بحالا غادي نلعبو الفينال وما غايكون الماتش ساهل وخاصنا نكونو مركزين على فيه ونموتو فالتيران حيث باغيين نجيىبو ميدالية”.

ومطالب المنتخب المغربي الأولمبي أنه يربح المنتخب العراقي غدا الثلاثاء فتيران نيس، باش يتأهل للدور الثاني من أولمبياد باريس 2024 لاول مرة فالتاريخ ديالو، وهذا الشي بعدما ربح فالجولة الاولى الأرجنتين بنتيجة 2 لواحد وخسر فالجولة الثانية مع أوكرانيا بنتيجة 2 لواحد.