كود – وكالات //

رفضات المحكمة ففرنسا الطلب ديال الرئيس الفرنسي السابق نيكولا ساركوزي اللي كان باغي يدمج العقوبات اللي تحكم بها فضوصي بيسموث وبيغماليون ،ساركوزي كان طلب يتعتبر أنه دوز عقوبة الحبس ديال ستة أشهر فملف بيغماليون، حيث كان قبل لابس براصلي إلكتروني ما بين فبراير وماي 2025 فإطار حكم آخر مرتبط بقضية بيسموث.

و لكن المحكمة اعتبرت أن الشروط القانونية باش دمج  العقوبات ما متوفراش فهاد الحالة، ورفضات الطلب ديالو ، وبهاد القرار، خاص ساركوزي يدوز عقوبة الحبس الموقوفة التنفيذ ديال ستة أشهر، واللي ممكن تتطبق تحت الإقامة الجبرية مع سوار إلكتروني.

هاد القضية مرتبطة بتمويل غير قانوني للحملة الانتخابية ديالو فـ2012، حيث تبين أن مصاريف الحملة فاتت السقف القانوني  فنظام الفاكتورات ،ومن المنتظر يحضر ساركوزي من جديد قدام القضاء فمحاكمة الاستئناف المتعلقة بقضية التمويل الليبي المفترض لحملته الانتخابية لسنة 2007.