الوالي الزاز -كود- العيون///
صدرات المحكمة الإدارية بأگادير حكم قضائي يقضي بتوقيف أشغال البناء في المشروع السياحي “BLEU BAY” ديال شركة عقار الشرق المملوكة من طرف نائب برلماني بجهة الشرق.
هاد الحكم جا بناء على دعوى قضائية رفعها مواطن بالداخلة، اتهم فيها شركة عقار الشرق بأنها استولات على أرض ديالو.
وأقرت المحكمة الإدارية بأگادير بوقف تنفيذ القرار الإداري المطعون فيه مع ما يترتب عن ذلك قانونا إلى حين البت نهائيا في دعوى الموضوع شمول هذا الحكم بالنفاذ المعجل بقوة القانون.
شركة عقار الشرق مازال مواصلة عملية البناء وهاد الحكم كيجي باش يؤكد على أنه خاصها توقف، فانتظار تصدر المحكمة حكمها النهائي. دابا خاص نشوفو الشركة واش غادي تلتازم أو لا.
عقار الشرق ومنذ دخولها جهة الداخلة وادي الذهب تابعاها بزاف الهدرة بخصوص وجود “تجاوزات” و”زيادات تحت الطاولة” للمستفيدين من المشاريع السكنية لي كدير، بالإضافة لكون مشاريعها فالداخلة لم ترتقي لطموحات الساكنة.
