الرئيسية > تبركيك > المحكمة الأوروبية لحقوق الإنسان وافقات على قرار فرنسا بترحيل مغربي طلب اللجوء: الملف ديالو مافيه حتى دليل على اضطهادو من طرف السلطات المغربية
30/07/2021 18:00 تبركيك

المحكمة الأوروبية لحقوق الإنسان وافقات على قرار فرنسا بترحيل مغربي طلب اللجوء: الملف ديالو مافيه حتى دليل على اضطهادو من طرف السلطات المغربية

المحكمة الأوروبية لحقوق الإنسان وافقات على قرار فرنسا بترحيل مغربي طلب اللجوء: الملف ديالو مافيه حتى دليل على اضطهادو من طرف السلطات المغربية

كود- عن بلادي.نيت //

حكمات المحكمة الأوروبية لحقوق الإنسان (ECHR) بأن فرانسا ما انتهكاتش الاتفاقية للأوروبية لحقوق الإنسان، فاش رفضات تعطي حق اللجوء لمغربي، ديبوزا طلب للحصول عليه، حيت قال أنه تعرض للاضطهاد بسباب أصولو الصحراوية ونشاطو.

وقال المغربي، فطلبو للمحكمة الأوروبية لحقوق الإنسان، انه تعرض للاعتقال والاحتجاز التعسفي والتعذيب، على يد الشرطة المغربية، فعدة مناسبات، وانه مبحوث عليه من 2018، ولهذشي علاش قرر يخرج من المغرب خيت خاف على حياتو، وبغا يطلب اللجوء ففرنسا.

لكن فرنسا رفضات الطلب ديالو، وقالت أنه “لا أساس ليت من الصحة”، وامرات بالترحيل ديالو للمغرب من بعد مجموعة من الإجراءات القانونية.

من جهتها، شافت المحكمة أن المدعي قدم شكوى بموجب المادة 3 من الاتفاقية، كيأكد فيها أنه تعرض لمخاطر بسباب أصلو الصحراوي ونشاطو فالقضية، واعتبرات أن الصحراويين كيمكن اعتبارهم فخطر خاص.

لكن واخا هكذاك، قالت المحكمة فالحكم ديالها أن المدعي مادلى بحتى وثيقة كتبت وجود خطر التعرض للاضطهاد، وماقدرش يتبث انه فعلا تعرض للاضطهاد بسبب نشاطو، كيف لاحظات المحكمة تناقضات فروايتو، وهذشي علاش وافقات على قرار فرنسا، حيت مقدم الطلب ماعطى حتى دليل ملموس كيبرر مخاوفو.

https://www.bladi.net/cour-europeenne-valide-expulsion-d-marocain-france,85013.html

موضوعات أخرى