الرئيسية > آش واقع > المحكمة اكدات مشروعيتو على رأس الحزب المغربي الحر.. زيان لـ”كود”: أنا المنسق الوحيد اللي كاين.. وداك لعب الدراري عطلنا على الانتخابات
15/07/2021 17:20 آش واقع

المحكمة اكدات مشروعيتو على رأس الحزب المغربي الحر.. زيان لـ”كود”: أنا المنسق الوحيد اللي كاين.. وداك لعب الدراري عطلنا على الانتخابات

المحكمة اكدات مشروعيتو على رأس الحزب المغربي الحر.. زيان لـ”كود”: أنا المنسق الوحيد اللي كاين.. وداك لعب الدراري عطلنا على الانتخابات

عفراء علوي محمدي- كود//

صدرات المحكمة الاستئنافية بالرباط حكمها بقبول التعرض المقدم من طرف محمد زيان، باعتبارو المنسق الوطني للحزب المغربي الحر، والتصريح بعدم صحة الإيداع المقدم من طرف إسحاق شارية بتاريخ 5 فبراير 2021، مع ترتيب الآثار القانونية على ذلك، وتحميل المدعى عليه الصائر.

هذ الحكم الاستئنافي القطعي كيدل على ان القضاء اعترف بمشروعية محمد زيان باعتبارو المنسق الوطني للحزب الوحيد، مع رفض مخرجات المؤتمر الاستثنائي اللي دار فضاية الرومي ف31 يناير المنصرم، واللي سفر على انتخاب إسحاق شارية أمينا عاما جديدا للحزب.

فتعليقو على الحكم، قال محمد زيان أنه هذا كان تصرف خارج القانون، والمحكمة اقرات بهذشي وعطاتو الشرعية، باعتبارو المنسق الوحيد للحزب، “من نهار اللول حتى للنهار اللخر”، كيف قال.

وقال، فتصريحو ل”كود”، أنه كان الغرض بهذشي هو تأخير الحزب المغربي الحر على الانتخابات، “ووصلو لهذ النتيجة انهم عطلونا على العمل الانتخابي ولكن القضاء قاليهم هذشي اللي كديرو مستحيل، حيت مايمكنش تمشي لقهوة وتجمع 50 ديال الناس وتقول ليهم انتوما هوما الحزب، مايمكنش، هذا لعب الدرار”، فكناية عن المؤتمر اللي تنتخب فيه شارية.

وختم بأنه ماعندوش تعليق على الحكم، حيت مازال ماقراه، لكن بلغو أن المحكمة طبقات القانون، وتحديدا الفصل 14 من قانون الأحزاب.

وكان سبق لابتدائية الرباط رفضات الشكاية المباشرة اللي تقدم بيها محمد زيان ضد إسحاق شارية ومجموعة من أعضاء الحزب، اللي اتهمهم من خلالها بالتزوير وانتحال صفة حزبية.

موضوعات أخرى

27/07/2021 11:30

واش كيهم هادشي المغاربة؟. البرنامج الانتخابي للبي جي دي فيه ثاني فلسطين واخا هوما للي وقعو التطبيع وهضر على تجديد الشراكة مع اسبانيا بحالا مافراسهومش تطورات العلاقات بين مدريد والرباط

27/07/2021 10:30

بلبعاس نائب رئيس حكومة القبايل لـ”كود”: بغينا نفتحو سفارتنا فالصحراء..ونتمنى إجراء لقاءات رسمية مع المسؤولين المغاربة

27/07/2021 10:20

ميركاتو انتخابات 2021 فالصحرا.. رجل الأعمال الصحراوي “حسن الدرهم” مشا من الاتحاد الإشتراكي والتاحق بالأحرار وها فين غادي يترشح