كود- وكالات//

من بعد شهور وهو غابر، بان خامنئي، المرشد الأعلى الجديد ديال إيران، فمقطع فيديو نشراتو وسائل إعلام إيرانية رسمية، لأول مرة من بعد ما شد بلاصة باه علي خامنئي.

وخا هكاك الفيديو ما فيش  تاريخ التصوير، وما كايناش معلومات  على فين وفاش تصوّر، وهادشي خلا بزاف ديال التساؤلات تخرج: واش الفيديو جديد فعلاً؟ ولا تسجيل قديم اختارت طهران تنشرو دابا؟

المشاهد كيبان فيها مجتبى وسط أجواء دينية وعلمية، ف الوقت اللي بقى فيه بعيد على الأضواء من نهار خدا أعلى منصب فالسلطة الإيرانية.

https://x.com/i/status/2086246220465385792

الغياب الطويل ديالو كان خلا بزاف ديال التكهنات تنتاشر على صحتو، خصوصاً أن المرشد الأعلى هو أعلى سلطة سياسية ودينية فالبلاد.

ونشر الفيديو فهاد التوقيت هو رسالة من طهران باغية تقول إن المرشد الجديد حاضر، وإن انتقال السلطة ما عطّلش القيادة الإيرانية.

ولكن السؤال اللي باقي مطروح: واش هادي فعلاً أول صورة جديدة لمجتبى من بعد ما خدا بلاصة باه، ولا طهران خرجات لتسجيل قديم فالتوقيت اللي بغات؟