كود سبور//

انتقل المثير للجدل ألفارو موراتا كابيتان منتخب إسبانيا المتوج بكأس أوروبا2024، من أتليتيكو مدريد الإسباني إلى ميلان الطالياني.

وسناو ميلان الطالياني اليوم الجمعة مع المهاجم الإسباني  ألفارو موراتا مول الـ31 عام، عقد المدة ديالو 4 سنين أي حتى لعام 2028.

وسبق لألفارو مورتا ولعب مع ريال مدريد الإسباني ويوفنتوس الطالياني وأتليتيكو مدريد الإسباني، وهو الكابيتان ديال منتخب إسبانيا بطل كاس أوروبا2024.

وخلق ألفارو موراتا جدل كبير فهاد اليومين اللي دازت، حيث وحسب ما تناقلت وسائل إعلام إسبانية كانو لاعبين منتخب إسبانيا محتفلين مع الجماهير ديالهم فوق لاسين وبداو كايقولو “جبل طارق إسباني” ضد فالنگليز اللي ربحوهم فالفينال ديال كاس أوروبا وهو زاد قال “والمغرب ايضا”.