الرئيسية > كود-تيفي > المتضامنين مع الراضي كيحتجو داخل المحكمة بعد جلسة محاكمتو: “صحافي وراسي مرفوع.. ما مشري ما مبيوع” – فيديو
17/07/2021 06:00 كود-تيفي

المتضامنين مع الراضي كيحتجو داخل المحكمة بعد جلسة محاكمتو: “صحافي وراسي مرفوع.. ما مشري ما مبيوع” – فيديو

المتضامنين مع الراضي كيحتجو داخل المحكمة بعد جلسة محاكمتو: “صحافي وراسي مرفوع.. ما مشري ما مبيوع” – فيديو

عفراء علوي محمدي- كود//

مباشرة بعد نهاية محاكمة الصحافي المعتقل عمر الراضي والصحافي عماد استيتو، دارو المتضامنين مع الصحافيين، من حقوقيين وعائلات، وقفة احتجاجية صاخبة، من داخل المحكمة، كينددو فيها باعتقالو ومحاكمتو “اللي ماكتمتتلش لشروط المحاكمة العادلة”.

وشاركو فالوقفة مجموعة من الحقوقيين المنتمين للجان التضامن مع الراضي واستيتو والريسوني، اللي حضرو للمحاكمة، منهم ام واب الراضي، والحقوقي الملقب ب”عروبي فميريكان”، شفيق العمراني، والصحافي صلاح الدين المعيزي، وآخرون.

ورددو الحقوقيين المحتجين شعارات من قبيل “بغينا قضاء الحريات ماشي قضاء التعليمات”، “لا لا ثم لا لصحافة التشهير”، “صحافي وراسي مرفوع ما مشري ما مبيوع”، بالإضافة لعبارات تضامنية مع الراضي والريسوني، وتنديدية للحكم الصادر فحق الريسوني، اللي تدان ب5 سنين نافذة ديال الحبس.

واحتجاجات الحقوقيين تدارت حتى أثناء المحاكمة اليوم، أمام مدخل المحكمة الرئيسي.

وكان مترقب يكونو وقفات تضامنية مع الصحافيين اليوم، خصوصا مع اقتراب النطق بالحكم فالقضية، هذا علاش حضرو عناصر من الأمن والقوات المساعدة.

https://www.facebook.com/1292968250744243/posts/5754812347893122/

موضوعات أخرى

27/07/2021 12:30

البرنامج الانتخابي لـ”البي جي دي”..بالأرقام ها شحال ديال المناصب فالتعليم والصحة ونسبة النمو اللي باغين يحققو وها كيفاش باغين استمالة أصوات الموظفات المزوجات

27/07/2021 11:30

واش كيهم هادشي المغاربة؟. البرنامج الانتخابي للبي جي دي فيه ثاني فلسطين واخا هوما للي وقعو التطبيع وهضر على تجديد الشراكة مع اسبانيا بحالا مافراسهومش تطورات العلاقات بين مدريد والرباط

27/07/2021 10:30

بلبعاس نائب رئيس حكومة القبايل لـ”كود”: بغينا نفتحو سفارتنا فالصحراء..ونتمنى إجراء لقاءات رسمية مع المسؤولين المغاربة

27/07/2021 10:20

ميركاتو انتخابات 2021 فالصحرا.. رجل الأعمال الصحراوي “حسن الدرهم” مشا من الاتحاد الإشتراكي والتاحق بالأحرار وها فين غادي يترشح