كود سبور//

المتزمتين اللي مخبيين ورا الدين ما خلاو حتى شي قنت فالعالم، لدرجة أنهم ضغطو من ورا كلافيات على اللجنة الأولمبية الدولية واللجنة المنظمة لأولمبياد باريس باش تخرج تعتذر على لقطات من حفل الافتتاح، واخا هي لقطات عادية بزاف كاتعكس الاختلاف فبلاد علمانية بحال فرنسا اللي قانونها كايحترم الحريات الفردية وكايحميها.

وقالت اللجنة المنظمة لأولمبياد باريس فبيان توضحي أنه ما كانتش شي نية لتقليل الاحترام على شي جماعة او معتقد ديني، وأن الهدف من حفل الافتتاح كان ديما الاحتفال بالمجتمع والتسامح.

وزادت اللجنة المنظمة وقالت أيضا، أنه إذا تعرض شي شخص للإهانة من شي لقطات او مشاهد معينة راه هذا الشي ما مقصودش ويسمحو لنا.