اميمة عطية كود ///

علنت مقاطعة عين الشق أن الشركة الجهوية المتعددة الخدمات ديال الدار البيضاء، غادي تقطع مؤقتا الما الصالح للشرب فحي كاليفورنيا، حسب معلومات كتوفر “كود ” عليها .

وفي بلاغ ديالها ، اشارت الشركة ، على ان هاد الانقطاع غادي يشمل بزاف ديال الزناقي، بحال شارع فاس، شارع المنظر العام، شارع الهاشمي الفيلالي وشارع مكة.

وطلبات مقاطعة عين الشق بدورها من الساكنة يديرو الاحتياطات ديالهم فهاد الفترة.

وغادي يبدا الانقطاع من العشرة دالليل ديال نهار الخميس 23 أبريل، حتى للستة دالصباح ديال نهار الجمعة، ومن بعد غادي يرجع الما بشوية بشوية منين تسالي الأشغال.