كود – nypost//

كتعيش سمر روبرت، عارضة شابة كتسافر بزاف، معاناة حقيقية فالتنقل الجوي بسبب حجم صدرها الكبير، اللي كيخلي السفر فالدرجة السياحية شبه مستحيل بالنسبة ليها، وكتقول سمر باللي هاد الوضع خلاها تضطر تصرف مبالغ مالية كبيرة، وصلات لأكثر من 50 ألف دولار، غير باش تسافر فدرجة الأعمال وتلقى شوية ديال الراحة.

وكتوضح سمر أن أكبر مشكل كتواجه هو الكراسا الضيقين فـ الطيارات، خصوصاً فالرحلات الطويلة، حيث كتلقى صعوبة حتى فالحركات البسيطة بحال الجلوس مزيان أو استعمال الطابلة ديال الماكلة. وزادت أنها شي مرات كتكون فمواقف محرجة بسبب الاحتكاك غير المقصود مع الركاب اللي حدّاها، الشي اللي كيخلق عدم راحة ليها وليهم.

المعاناة ديالها ماشي غير مادية، ولكن  حتى صحية، حيث كتعاني من حالة نادرة كيتسمّاو “macromastia”، اللي تخلي الصدر يكبر بزاف الذي لي كيسبب العليا والمشاكل ،  فلبلايص المزاحمين بحال الطائرات. وذكرات حتى حادثة تعرضات ليها مؤخراً، ملي تحرقات بسبب اتاي سخون طاح عليها داخل الطائرة.

ورغم هاد الصعوبات كاملة، كتأكد سمر أنها كنبغي  الجسم ديالها وكتفتاخر بيه، ولكن كتطالب فـ نفس الوقت بشوية ديال المراعاة من طرف شركات الطيران، اللي خاصها تاخذ بعين الاعتبار اختلاف الأجسام ديال المسافرين، باش مايبقاش السفر تجربة صعيبة ومكلفة لهاد الفئة من الناس.

https://nypost.com/2026/03/19/lifestyle/model-with-size-r-breasts-pays-50k-boob-tax-to-fly/#:~:text=%D8%A7%D9%84%D9%82%D8%A7%D8%A6%D9%85%D8%A9%20%D8%A7%D9%84%D8%B1%D8%A6%D9%8A%D8%B3%D9%8A%D8%A9,%D8%A8%D9%83%20%D9%81%D9%8A%20%D9%83%D8%A7%D9%84%D9%8A%D9%81%D9%88%D8%B1%D9%86%D9%8A%D8%A7