وكالات //

قالت المانكان الميريكانية من أصول فلسطينية “بيلا حديد” أنها كانت معقدة فصغرها بسبب مقارنتها مع ختها الكبيرة جيجي حديد.

واعتارفت نجمة الأزياء العالمية أنها دارت عملية تجميل لنيفها مللي كان عمرها 14 لعام باش ما يبقاوش يقولو عليها “الأخت الخايبة”.

المانكان عاودات في مقابلة مع مجلة Vogue أن الناس كانوا كيقارنوها مع ختها جيجي اللي كانت شهبة وبوكَوصة، وهي كانت سمرا ونيفها كبير، ولكن فاللخر ندمات على عمليات التجميل اللي دارت فاش فهمات بللي أي إنسان زوين كيفما كان مظهرو أو جسدو أو لونو، بعيدا على المعايير اللي كيفرضها المجتمع الذكوري خصوصا.