گود سبور//

مشى المدير الرياضي للمغرب فاسي طلرق شيهاب بحالو من النادي، وهذا الشي بعد ايام قليلة باش كشف جورنال “گود” عن متابعة مسؤول بالماص بتهمة الخيانة الزوجية فالمحمدية.

وأعلن المغرب الرياضي قبل لحظات من ظهر اليوم الخميس، أنه تم قبول استقالة المدير الرياضي للفريق، اعتبارا لظروف شخصية.

وكانت مصادر “گود” كشفت ان مسؤول بالادارة التقنية لنادي المغرب الفاسي تشد قبل أسبوع  بمدينة المحمدية، والتهمة الموجهة له هي الخيانة الزوجية، گاليك لقاوه عند شي مرا.

وهذه القضية راه كاتفتح النقاش مرة اخرى حول “جريمة الخيانة الزوجية” حيث القانون فهذا الشي خاص يواكب هذا العصر، راه ماشي اي واحد او وحدة كان او كانت عند شي صديق او صديقة راه متهم ب”الخيانة الزوجية”، راه كاينين أصدقاء كايتجمعو للعمل او يعاودو لبعضياتهم على مشاكلهم فالخدمة او المشاكل الزوجية وكايعاونو بعضهم.