الرئيسية > ميديا وثقافة > المؤرخ شاي هزكاني: اليهود المغاربة عاناو من العنصرية فاش رحلو لإسرائيل
14/07/2021 11:00 ميديا وثقافة

المؤرخ شاي هزكاني: اليهود المغاربة عاناو من العنصرية فاش رحلو لإسرائيل

المؤرخ شاي هزكاني: اليهود المغاربة عاناو من العنصرية فاش رحلو لإسرائيل

كود- عن bladi.net//

كشف المؤرخ، شاي هزكاني، حقائق مقلقة على عنصرية الإسرائيليين تجاه اليهود المغاربة، اللي كانو رحلو للدولة العبرية بعد الحرب العالمية الثانية، فكتاب ديالو بعنوان “فلسطين العزيزة: تاريخ اجتماعي لحرب 1948”.

وتكتب، فرسالة استعملها المؤرخ باش يبين مدى التمييز اللي عانى منو المغاربة فإسرائيل: “إلى بغيتو النصيحة ديالي، بقاو فشمال إفريقيا”.

صحيفة “هارتس” الإسرائيلية اعتمدات هذ الكتاب، اللي كشمل رسائل خاصة من جنود جيش الدفاع الإسرائيلي المغاربة، باش تبين هذ الحقائق المسكوت عنها.

ونددو المغاربة، فهذ الرسائل، بالعنصرية اللي تعرضو ليها، والظلم اللي عانى منو اليهود “سفارديم” فالمغرب من المهاجرين اليهود “الأشكناز” فأوروبا.

وقال واحد من الجنود، فرسالة سافطها لمو: “يهود أوروبا، اللي كانو عاناو من النازية، كيعتبرو راسهوم عرق متفوق، ويهود السفارديم عرق أدنى، وكيتعاملو معانا بحال شي همج”.

عسكري آخر فرسالة خرى قال: “البولونيين كيتحكمو فكلشي، و95 فالمية ديال الناس هنا ماعاجبهومش الحال، وباغيين يمشيو من هنا”، وواحد اخر عبر على الرغبة ديالو فالرجوع لكازا، وكتب “كيعتبروتا متوحشين وشفارة”.

مراسل لصحيفة “هارتس” قال ان إسراىيل كانت بحال الحبس، ووصف كيفاش كانو المهاحرين الأوروبيين كيستغلو اليهود المغاربة، وكيعطيو احسن وأسهل عمل للبولونيين.

وبينات الأرقام أن 70 فالمية من العسامرية المغاربة خدمو فجيش الدفاع الإسرائيلي كيتمناو يرجعو للمغرب، و76 فالمية كيوصيو الأقارب ديالهم باش يبقاو فيه.

https://www.bladi.net/discrimination-israelienne-immigres-marocains,84565.html

موضوعات أخرى

02/08/2021 22:00

هرطقات الفايد ممكن تقتل الناس. وصا اللي مراض بكوفيد يديرو السبور.. وجمعية أمراض القلب: هذشي ممكن يقتل فالبلاصة بسباب التهاب عضلة القلب.. وطبيب: هذا مشعوذ وخاص الرجوع لأهل الاختصاص

02/08/2021 21:00

من بعد ذهبية 3000 متر موانع.. سيدنا للبطل سفيان البقالي: براڤو لهاد التتويج الكبير اللي بيه هزيتي الدرابو ديال لبلاد فهاد التظاهرة الدولية

02/08/2021 20:00

وعود الناصيري للوداديين كيف العادة داها الريح تاني.. تعويض “الموسم الصفري” بلقب يتيم مكعي الجمهور اللي رجع كايطالب برحيلو اليوم قبل غدا