عثمان الشرقي – كود//

النجم الكبير و الفنان “حجيب فرحان”، عبّر على فرحتو بالقرار الأخير لمجلس الأمن الدولي، وكشف أنه غادي يخرج أغنيتو الجديدة بعنوان “شوفو سيدي راه دْواها”، اللي غادي تكون تكريم لمغربية الصحراء وللتأييد الأممي لحقق المغرب بخصوص قرار الحكم الذاتي،الأغنية مازالت ما خرجاتش، ولكن الإعلان عليها خلق ترقب كبير وسط الجمهور والمتابعين على مواقع التواصل الاجتماعي.

عدد كبير من محبين حجيب عبّرو على حماسهم وفضولهم لسماع الأغنية الجديدة، وأكدو على إعجابهم بالأسلوب المميّز ديالو اللي كيمزج بين العيطة والأغاني الوطنية بأسلوب فني فريد من نوعو ،بعض المتابعين شددوا على أن هاد العمل كيفكرهم بأسلوب حجيب “الزعري”فالعيطة لي قريب من قلوب المغاربة، اما نقاد اخرين قالو انه رجّع الثقة في الفن اللي كيطرح القضايا الوطنية بطريقة أصيلة.

وفهاد السياق ، الجمهور مزال كيتفكر أغنية حجيب ” الدق تم”، اللي خرجات بمناسبة تحرير معبر الكركارات، واللي رسخت بلاصة حجيب كفنان كيعكس الواقع السياسي والاجتماعي المغربي بموسيقاه الشعبية، وكيأكد على التزامو المستمر بقضايا الوطن والمجتمع من خلال الفن ديالو،خصوصا انه كيفتخر بلي قرأ على يد الحاجة الحمونية لي شهدات ليه بالكفاءة و عطاتو “الطابْع”