الرئيسية > آراء > اللي وقع فالحي الحسني البارح خاصو يطير لفتيت وخاصو يتحاسب قبل. من بدات الجايحة مع قانون حالة الطوارئ الصحية هو المسؤول الاول على امن لمغاربة
31/07/2020 11:00 آراء

اللي وقع فالحي الحسني البارح خاصو يطير لفتيت وخاصو يتحاسب قبل. من بدات الجايحة مع قانون حالة الطوارئ الصحية هو المسؤول الاول على امن لمغاربة

اللي وقع فالحي الحسني البارح خاصو يطير لفتيت وخاصو يتحاسب قبل. من بدات الجايحة مع قانون حالة الطوارئ الصحية هو المسؤول الاول على امن لمغاربة

هناء ابو علي – كود كازا ///

شفارة بلا كمامة بلا تباعد اجتماعي هجمو على سوق الكسيبة وبداو يشفرو فالحوالا بالعلالي في كازا

Publiée par Goud.ma sur Jeudi 30 juillet 2020

مشهد البارح فسوق لحوالة فالحي الحسني فكازا مشهد ماشي مرعب وصافي ماشي بل خطير بزاف بزاف. حنا فحالة الطوارئ. كلشي بيد الداخلية. قررات وزارة الداخلية تتحكم فكلشي. الولاة ومعاهم العمال وتحتهم القياد واعوان السلطة عندهم سلطات كبيرة. المنتخبون ما بقى عندهم دور. كل ما عندو علاقة بالامن تحت يدين وزارة الداخلية.

مشهد شفرة لحوالة وارهاب فلاحين صغار عام وهما كيتقااتلو باش يريبو حوالى ويسمنوهم ويبيعوهم فالسوق. ايلى فاتت هاد المناسبة مشى ليهم العام. يقدرو يموتو بالجوع. جاو لكازا ولمدن اخرى فالمغرب وفالاخير يتعرضو للشفرة وبالنهار گهار.

بيان ديال الادارة العامة للامن الوطني كان اعلن البارح باللي بوليس الحي الحسني “ضبط 20 شخصا للاشتباه في تورطهم في أعمال العنف والسرقة والرشق بالحجارة التي شهدها سوق لبيع الأغنام  بمنطقة “أزماط” بمنطقة مدارية بالمدينة”

هاد البيان شد اللي ضربو بالحجر وشفرو وهددو فلاحة. لكن القضية هنا ما تحلاتش. خاص محاسبة المسؤول الاول فهاد الفيلم للي هو وزير الداخلية عبد الوافي لفتيت. فحالة الطوارئ كلشي بيد الوالي فالجهات وهو رئيس هاد الولاة 12.

الداخلية ما دارتش خدمتها. ما امناتش سوق لغنم. غير فليام العادية كيكون الامن حاضر بشكل كبير مابالك فزمن كورونا فيروس.
عنداكم ضربو الحيط القصير شي باشا او قايد او حتى عاملة عمالة الحي الحسني. راه غير ظلموهم. اللي خاصو يتحاسب بالدرجة الاولى هو الوالي دكازا حميدوش ومعاه وزير الداخلية. ياك دابا عندو سلطات كبيرة. باش يدير خدمة مزيانة خاص الاشادة بيه وتكريمو وباش يقودها خاصو يخلص.

خروب بلادنا كنعرفوه. عارفين قوة الداخلية فزمن بنعرفة. واش هاد الوزير كيبان ليه باللي اللي دار عامل انفا٬ اللي تظلم٬ يستحق الاعفاء٬ وهاد التسيب اللي كيضرب الدولة فالصميم٬ ما يستحقش يتحاسب هو نيت

مولات الجلابة غوز بطلة هاد الاحداث باغا تطير حولي صحة

Publiée par Goud.ma sur Jeudi 30 juillet 2020

موضوعات أخرى

14/08/2020 13:30

العلاقات الإماراتية الإسرائيلية الجديدة.. بنعبد الله لـ”كود”: هاد الخطوة مغادي تجيب حتى شي إضافة إيجابية لإقرار الحقوق المشروعة للشعب الفلسطيني

14/08/2020 12:30

مستشفى “عمر الإدريسي” بفاس رجع بؤرة د”كورونا” واكثر من 20 إصابة تسجلات فقل من أسبوعين وصورة حصرية كتبيّن الاستهتار اللّي كاين

14/08/2020 12:00

شطاحة فينيزويلية كتهضر على حياة الليل فالمغرب: كيقول عليه دولة محافظة لكن فالليل كيولي كلو حرية ونشاط.. والسواعدة كيلوحو علينا حفنات كبار دالفلوس عمري شفتهم فحياتي