الرئيسية > آش واقع > اللي قتل بوليسي فالحسيمة كيواجه تهم تقدر تجيبلو الاعدام
29/06/2020 08:50 آش واقع

اللي قتل بوليسي فالحسيمة كيواجه تهم تقدر تجيبلو الاعدام

اللي قتل بوليسي فالحسيمة كيواجه تهم تقدر تجيبلو الاعدام

كود-الحسيمة//

أمر قاضي التحقيق فمحكمة الاستئناف الحسيمة، بعد لبارح الاحد 28 يونيو، بإيداع المتهم بقتل بوليسي بالسكين، فالسجن المحلي بالحسيمة، على ذمة التحقيق.

وقالت مصادر محلية، أن قاضي التحقيق قرر يتابع المتهم، بتهم ثقيلة منها القتل العمد مع سبق الإصرار والترصد، إهانة موظفين عموميين أثناء مزاولة مهامهم وحيازة السلاح الأبيض من شأنه تهديد أمن وسلامة وأموال الأشخاص، وهي التهم اللي كتوصل حتى لعقوبة الاعدام.

وكان المتهم اللي فعمرو 28 عام، هاجم البوليسي الضحية اللي فعمرو 33 سنة، وضربو بسكين، بعدما خاول الاخير يوقفو لأنه كان كيضرب السجن المحلي بالحجر، في حين تمكنت عناصر الشرطة من توقيف المتهم، بعد ارتكابه الجريمة.

موضوعات أخرى