كود – كازا ///

المعاناة الحقيقية هي اللي كتسنى المسافرين اللي باغين يدخلو لسبتة من المغرب، حسب جريدة “إل فارو دي ثيوتا”، اللي دارت ربورتاج تماك وخذات شهادات حية واللي كلها أجمعت على أن “اللي باغي يقطع لسبتة غادي يعيش 24 ساعة في الجحيم.. حيث الزحامات وساعات ديال الانتظار وصفوف بالعشرات”.

وقال أحد المستجوبين، إن العبور من سبتة للمغرب غادي يعيش تجربة الجحيم الحقيقي خاصة بحال كيف وقع نهار الأحد الفايت، أما نيرمين اللي عانات من تجربة العبور من المغرب لسبتة، فصرحات قائلة: “وصلت سيرا على الأقدام إلى حاجز تراخال وبقيت 5 دسوايع شادة الصف باش نرجع لسبتة.. جيت مع 6 ديال العشية وما قدرت ندخل لسبتة إلا فـ 11 تاع الليل”.

وأضافت “إل فارو دي ثيوتا”، أن جميع الشهادات المصورة كانت بسرية لأن التصوير ممنوع والبوليس براسهم ما عارفينش علاش كاين هاذ التعطال. في موقع ختم الجوازات في الجانب المغربي، يوضح المتضررون، أن الأمر يستغرق أكثر من ربع ساعة، وليس كما هو الحال على الحدود الإسبانية حيث يكون الخروج والدخول سريعا”.