اسماء غربي – كود//

البارح بالليل الرابور المريكاني كانيي ويست، جاتو عاوتاني الحمايقة، وبقى غير كيتويتي وسب كولشي..

ويست نشر سلسلة من التصريحات المعادية للسامية على منصة التواصل الاجتماعي X “تويتر سابقا “، فتويت كتب: انا نازي،  وفوحداخور كتب: أدولف هتلر “رائع” وزيد وزيد.

وكتب فواحد من هاد التويتات: “غادي نرد الهضرة على هتلر أمر طبيعي، بحال كيف الهضرة على قتل الزنوج أمر طبيعي.

ومن بين المنشورات الأخرى اللي نشرها ويست وصف هتلر بأنه “رائع بزاف” وكتب: أنا كنبغي هتلر.

وفمنشور آخر، قال ويست: “نقدر نقول كلمة يهودي بقدر ما أريد، ونقدر نقول كلمة هتلر بقدر ما أريد، وفالحقيقة كنقولها عندما أريد”.

وفتويت قال ويست انه شحال وهو باغي يقاد تيشورطات فيهم السواتسيكا (الصليب المعقوف)..

وبالإضافة إلى المنشورات المعادية للسامية، كانيي ويست دار تعليقات مسيئة أخرى، على العبودية والناس الغلاض، وعلى حركة MeToo وعلى المثليين وكتب: جميع البويض عنصريون، والعبودية كانت خيار، بالإضافة إلى قوله “عندي سيطرة على مراتي “، كيعني بيانكا سينسوري اللي تعرات مؤخرا فحفل الگراميز.

هادو بعض من التويتات اللي نشر الرابور: