وكالات//

رجع النجم الميريكاني جورج كلوني للون الشيب ديال شعره، من بعدما قال أن مراتو أمل علم الدين “كرهات” اللون البني اللي صبغو به.

هاد القرار ديالو جا فواحد الوقت اللي راجت فيه إشاعات كتقول باللي كاين مشاكل فالعلاقة الزوجية ديالو وممكن يوصلو للطلاق، خصوصاً من بعد ما تبانت أمل بوحدها فمهرجان كان السينمائي لعام 2025.

فبداية هاد العام، دار جورج تغيير كبير فالشعر ديالو وصبغو بني، حيت كان كيتحضر للدور ديالو الأول فمسرح برودواي فمسرحية Good Night, and Good Luck. ومع ذلك، قال من قبل فحوار مع جريدة “نيويورك تايمز” باللي ما كانش متأكد واش أمل غادي يعجبها هاد التبديل، وفعلاً ما عجبهاش.